کۆمیسیۆنى راگەیاندنى کۆمەڵەى شۆڕشگێڕ، هەڵکوتانە سەر کەناڵى رووداو مەحکوم دەکا



دوێنێ شەو کاتژمێر 12:5 لە لایەن کەسانى نەناسراوەوە نارنجۆکێک فڕێدرایە نێو باڵەخانەى سەرەکى کەناڵى رووداو لە شارى هەولێر، لەو کردەوەدا کارمەندێکى پەیوەندییەکان، شۆفێرێک و سێ پاسەوانى تۆڕى میدیایى رووداو بریندار بوون و  زیانیش بە بەشێک لە ئۆتۆمبێلەکانى گواستنەوەى راستەوخۆى کەناڵەکە گەیشت.
کۆمیسیۆنى راگەیاندنى کۆمەڵەى شۆڕشگێڕى زەحمەتکێشانى کوردستانى ئێران وێراى مەحکوم کردنى ئەم کردەوە تیرۆریستیە، هیواى چاکبوونەوە و سەلامەتى بۆ بریندارەکان دەخوازێ و دڵنیایە کە ئەم کردەوانە رێ لە گەشەو بەردەوامى کەناڵى رووداو ناگرن و رووداو وەک میدیاییەکى بەهێز و کاریگەر کاروانى خۆى درێژە پێدەدا.

کۆمیسیۆنى راگەیاندنى
کۆمەڵەى شۆڕشگێڕى زەحمەتکێشانى کوردستانى ئێران
25/6/2016







ئه‌م بابه‌ته 3656 جار خوێنراوه‌ته‌وه‌‌

PM:12:48:25/06/2016