لێژنەی ناوەندیی هەڤکاری هێزە سیاسییەکان لە هۆڵەند کۆبوونەوە



لە پێناو ئامادەکردنی بەرێوەچوونی مەراسیمی یادی هەڵەبجە لێژنەی ناوەندیی هەڤکاری هێزە سیاسییەکان لە هۆڵەند کۆبوونەوە،

ڕۆژی چوارشەممە حەوتی مارسی ٢٠١٧ بۆ ئامادەکردنی  مەراسمی یادی هەڵەبجە لێژنەی ناوەندیی هەڤکاری هێزە سیاسییەکان  کە لە ١٧ حيزب لە چوار پارچەی کوردستان پێک هاتوون  کۆبوونەوەی خۆیان لە بنکەی پەیوەندییە نێونەتەوییەکانی کۆمەڵە بەڕێوە برد.
لە لایەن کۆمەڵەوە هاوڕێ ئەحمەد مورتەزایی وەک نوێنەری کوردستانی رۆژهەڵات لە لێژنەی ناوەندیی هەڤکاری هێزە سیاسییەکان بەشداریی کۆبوونەوەکە بوو.
بڕیارە مەراسیم  ڕۆژی پێنج شەممە ١٦ی مارس لە شاری دەنهاخ بەڕێوە بچێت و لە کۆتایی مەرسیمدا بە، بەشداریی شارەوانی شاری دەنهاخ و نوێنەری حکومەتی هەرێم و نوێنەری چەند حزبی هۆڵەندی لە بەر دەرکەی باڵوێزخانەی عێراق پەردە لە سەر مۆنومێتی  کارەساتی هەڵەبجە لابەرن. لە مەراسیمەدا یادی گیانبەختکردوانی گوردانی شوان بە وتار و پۆستەر و نووسراوە دەکرێ.

کۆمەڵەی شۆڕشگێڕی زەحمەتکێشانی کوردستانی ئێران
کۆمیتەی هۆڵەند  
٦ی مارسی ٢٠١٧

ئه‌م بابه‌ته 624 جار خوێنراوه‌ته‌وه‌‌

PM:11:55:09/03/2017