کومیتەی نۆروێژی کۆمەڵە لە کۆبوونەوەی رەوەندی کوردی بەشداری کرد

ئێوارەی ڕۆژی دووشەممە ڕێكەوتی ٢ی١٠ی٢٠١٧ لە سەر بانگهێشتی كۆمیتەی نۆروێژی یەكێتی نیشتمانی كوردستان كۆبوونەوەیەكی بەرین بۆ حیزب و ڕێكخراوە سیاسی و مەدەنییەكان و كۆمەڵێك كەسایەتی سەربەخۆ لە شاری ئۆسلۆ لە بارەگای یەكێتی نیشتمانی كوردستان ڕێكخرا.
تەوەرەی كۆبوونەوەكە تایبەت بوو بە گەڵاڵەیەك كە كۆمیتەی یەكێتی نیشتمانی بۆ كاری ڕەوەندی كوردی لە سەر پرسی سەربەخۆیی و ئەركەكانی سەر شانی حیزبەكان و تاكی كورد لەم وڵاتە لەمەڕ ئەو پرسە بوو. ئامادەبووان گەڵاڵەكەیان دایە بەر باس و لێكۆڵینەوە و وێڕای ئەوەی كە تێكڕای بەشداربووان سوپاسی كۆمیتەی یەكێتیان كرد بۆ ئەو هەنگاوەیان تێبینی و پێشنیارەكانی خۆیان باس كرد و بڕیاردرا لێژنەیەك بۆ كاری داهاتووی ڕەوەندی كوردی لە سەر پرسی سەربەخۆیی دیاری بكرێت.
شایانی باسە تەشكیلاتی كۆمەڵە لە نۆروێژ بە فەرمی بۆ ئەو كۆبوونەوەیە بانگهێشت كرابوون كە لە لایەن كۆمەڵەوە هاوڕێیان ئیبراهیم كۆنەپۆشی و شاناز بابایی بەشدارییان كرد. نوێنەرانی كۆمەڵە ئاماژەیان بەوە كرد لە سەر ڕێنوێنییەكانی كۆمیتەی دەرەوەی وڵاتی كۆمەڵە ئامادەی هەموو هاوكارییەكن لە پێناو پرسی سەربەخۆیی و هەروەها داوایان لە بەشداربووان كرد كە هەموو لایەنەكان هاوكارمان بن بۆ گەیاندنی دەنگی گیراوەكانی ڕێفراندۆم لە كوردستانی ڕۆژهەڵات.


كۆمەڵەی شۆڕشگێڕی زەحمەتكێشانی كوردستانی ئێران
كۆمیتەی نۆروێژ


ئه‌م بابه‌ته 234 جار خوێنراوه‌ته‌وه‌‌

PM:11:14:03/10/2017