سمیناری ئەندامانی سوئێد و نۆروێژی كۆمەڵە لە شاری یوتوبوری

ڕۆژانی شەمە و یەكشەمە ڕێكەوتی ٢١ و ٢٢ی مانگی ئۆكتۆبری ساڵی ٢٠١٧ لە لایەن كۆمیتەی دەرەوەی وڵاتی كۆمەڵە سمینارێكی تەشكیلاتی بە بەشداری كۆمەڵێك لە كادر وئەندامانی كۆمەڵە لە وڵاتی سوئێد و نۆروێژ كە ئامادەی ئەو سمینارە بوون لە شاری یوتوبوری وڵاتی سوئێد بەڕێوە چوو.
سەرەتا ڕۆژی‌شەمە كاتژمێر١٢ خولەكێك بێدەنگی بۆ ڕێزگرتن لە یادی‌هاوڕێیانی گیانبەختكردوو ڕاگەیاندرا و دواترسمینار  بە سروودی بانگەواز سروودی فەرمی كۆمەڵە دەستی پێكرد.
پاش ڕاگەیاندنی ڕیزی بەرنامەكانی سمینار، هاوڕێ ناهیدبەهمەنی ئەندامی كۆمیتەی‌ناوەندی‌كۆمەڵەو بەرپرسی كۆمیتەی دەرەوەی وڵاتی كۆمەڵە باسێكی تێر و تەسەلی لە سەردۆخی سیاسی ناوچەكە و بزووتنەوەی كوردی لەكوردستانی ڕۆژهەڵات پێشكەش بەئامادەبوان كرد،پرۆسەی ڕیفراندۆم بۆسەربە خۆیی كوردستان لە باشوور ، ئەو كەش و ئاڵۆزییانە وا لە ناوچەكە هاتوەتە پێش و ئەركەكانی كۆمەڵە لەم هەلوو مەرجەدا بابەتێكی دیكە لە باسەكانی سمینار بوو كە هاوڕێ ناهید بە وردی شیكاری لە سەر كرد.
لەم بەشەی سمینارەكە كات بە هاوڕێیانی بەشدار بوو درا كە، ڕەخنە و تێبینی و پرسیار و پێشنیارەكانی خۆیان ئاراستەی پێشكەشكاری باسەكە بكرێت، كە هاوڕێ ناهید پاش بیستنی ڕای هاوڕێیان وڵامی پرسیار و تێبینییە كانی بەشداربوانی دایەوە. ڕۆژی یەكەم كۆبوونەوە تا كاتژمێر ٧ی ئێوارەی درێژەی پێدرا و لە كەشێكی تەواو هاوڕێیانەدا ڕۆژی یەكەمی كۆبوونەوە كۆتایی پێهات.
ڕۆژی دووهەمی سمینارهاوڕێیان لە هۆڵی سمینارەكە كۆبوونەوە و سەرەتا لە لایەن هاوڕێ شارۆخ ئەرژەنگی بەرپرسی پێشوی كۆمیتەی یوتوبوری كورتەڕاپۆرتێكی لە كار و چالاكی تەشكیلاتی كۆمەڵە لەو بەشەی سوئێد پێشكەش بە ئامادەبوان كرد و دواتر هاوڕێیان ڕا و پرسیارەكانی خۆیان ئاراستەی هاوڕێ شارۆخ كرد، پاش بیستنی وڵامەكانی هاوڕێ شارۆخ پرۆسەی هەڵبژاردنی كۆمیتەی یوتوبوری بە شێوازێكی تەواو دیموكراتیك بەڕێوەچووكە لەوهەڵبژاردنەدا هاوڕێیان فەرشاد مستەوفی، موحەمەد موحەمەدیان ناسراو بەمامۆستا موحەمە د، تاهیرپەناهیدە، سروە شەریفی ومەهدی سپێهری.وەك ئەندامانی ئەسڵی كۆمیتە و هاوڕێ ئیسمایل ئیسمائیلی وەك جێگری كۆمیتە ی یوتوبوری هەڵبژێردرا.
پاش پرۆسەی ڕاپۆرت وهەڵبژاردنی كۆمیتەی یوتوبوری، باسێكی دیكە لەسەرگەڵاڵەی كاری‌كۆمەڵە و بەرنامە كانی كار و چالاكی كۆمەڵە لە دەرەوەی وڵات بۆ داهاتوو لە لایەن هاوڕێ ناهید بەهمەنی  پێشكەش كرا. هاوڕێیانی ئەندامی ئامادە بوو لە سمینار پێشنیارەكانی خۆیان ڕووبە كۆمیتەی دەرەوەی وڵاتی كۆمەڵە باس كرد و باسەكانیان دەوڵەمەندتر كرد.
كۆبوونەوەی ڕۆژی دووهەم لە ناو كەشێكی پڕ لە هەستی هاوڕێیانە كاتژمێر ٥ی دوانیوەرۆ كۆتایی پێهات
بەو جۆرە سمیناری ئەندامان لە یوتوبوری پاش دووڕۆژ باسی چڕ و پڕ سەركەوتوانە كۆتایی پێهات.

كۆمەڵەی شۆڕشگێڕی زەحمەتكێشانی كوردستانی ئێران
كۆمیتەی دەرەوەی وڵات

ئه‌م بابه‌ته 1345 جار خوێنراوه‌ته‌وه‌‌

PM:08:40:25/10/2017