ڕاپۆرتی بەڕێوەچوونی ڕێوڕەسمی ٢٦ی ڕێبەندان لە شاری ئۆسلۆ

ڕۆژی شەممە، ڕێكەوتی ١٧ی ٢ی ٢٠١٨ زایینی بەرابەر بە ٢٩ی رێبەندانی ١٣٩٦ی هەتاویی لە سەر داوای كۆمیتەی كۆمەڵە لە نۆروێژ بە هاوكاری كۆمیتەكانی كۆمەڵەی لاوانی ڕۆژهەڵات و كۆمەڵەی ژنانی ڕۆژهەڵات و كۆمەڵەی كولتووری نەوان، ڕێوڕەسمێكی بەشكۆ بە بەشداری ژمارەیەكی زۆر لە تێكۆشەرانی كۆمەڵە، ئەندامانی كۆمیتەی دەرەوەی وڵات و جێگری كۆمیتەی ناوەندی و هەروەها كۆمەڵێكی بەرچاو لە نوێنەری حیزب و ڕێكخراوە سیاسییەكان و كۆمەڵێك كەسایەتی سەربەخۆ ڕێز لە ٢٦ی ڕێبەندان ڕۆژی ئاشكرابوونی خەباتی كۆمەڵە گیرا.
سەرەتا هاوڕێ ئەسرین دەرسید وەك بەڕێوەبەری بەرنامەكە بەخێرهاتنی ئامادەبووانی كرد و پاش ڕاگەیاندنی ڕیزی بەرنامەكانی ڕێوڕەسمەکە بەڕنامەكەی بە سروودی بانگەواز سروودی فەرمی كۆمەڵە و ڕاگرتنی خولەكێك بێ دەنگی بۆ ڕێزگرتن لە یادی هاوڕێ حەمە حسێن كەریمی و هەموو گیانبەختكردوانی كۆمەڵە ڕێوڕەسمەکەی دەست پێكرد.
پاشان هاوڕێیان فەرهاد مینبەری و جەمال میرزادە بە نوێنەرایەتی تێكۆشەرانی كۆمەڵە لە نۆروێژ مۆمی ٣٩هەین ساڵی ئاشكرابوونی خەباتی كۆمەڵەیان هەڵگیرساند.
دواتر هاوڕێ شوانە ڕەحمانی دیكلەمەی پەخشانێك هاوكات لەگەڵ بڵاوكردنەوەی كلیپێكی ویدیۆی لە سەر مێژوی كۆمەڵە پێشكەش بە ئامادەبووان كرد.
لە درێژەی بەرنامەكە هاورێ ئیبراهیم كۆنەپۆشی جێگری كومیتەی ناوەندی پەیامی كومیتە ناوەندی كۆمەڵەی خوێندەوە و پاشان بۆ رێزلێنان لە كار و چالاكییەكانی ئەو ماوەیەی هاوڕێ ئیبراهیم لە ناو كومیتەی نۆروێژ، چەپکە گوڵی رێزلێنانی لە لایەن هاوڕێ مەنسوور سۆفی بەرپرسی كومیەتی نۆروێژ پێشكەش كرا.
هاوڕێ فواد فەقێ زادە لە لایەن كۆمەڵەی لاوانی ڕۆژهەڵات، كۆمەڵەی ژنانی ڕۆژهەڵات و كۆمەڵەی كولتووری نەوان پەیامی پیرۆزبایی بە بۆنەی ڕۆژی كۆمەڵەوە پێشكەش كرد.
نوێنەرانی كۆمەڵێك حیزب و ڕێكخراو پەیامی پیرۆزباییان بە بۆنەی ٢٦ی ڕێبەندان پێشكەش كرد كە بریتی بوون لە بەڕێزان، كاك قادر عەزیز بەیگی بە نوێنەرایەتی كۆمیتەی هاوكاری هێزە سیاسییە كوردستانیەكان لە نۆروێژ كە ئەم كۆمیتەیە پێكهاتوە لە ٨حیزبی كوردستانی لە چوار پارچەی كوردستان. كاك هەندرێن باوەنووری بەرپرسی كۆمیتەی یەكێتی نیشتمانی كوردستان لە نۆروێژ، كاك ساڵح وەلیزادە بەرپرسی تەشكیلاتی حیزبی دیموكراتی كوردستانی ئێران لە نۆروێژ، كاك سەردار مەرەسەنە بەرپرسی كۆمیتەی حیزبی دیموكراتی كوردستان لە نۆروێژ، كاك هەژار حوسەینی لە لایەن سازمانی خەباتی كوردستانی ئێران كۆمیتەی نۆروێژ، كاك جەعفەر حامدی كەسایەتی سیاسی سەر بە خۆ، كاك ڕێبوار ئەحمەد زادە نوێنەری پاك، كاك عەلی فازڵی نوێنەری یاری كورد.
هەر وەها ئەو حیزب و ڕێكخراوانە وێڕای بەشداری ڕاستەوخۆ برووسكەی پیرۆزبا ییان پێشكەش بە بەڕێوە بەرانی مەراسم كرد كە بریتی بون لە، پارتی دیموكراتی كوردستان لیژنەی ناوچەی نۆروێژ، پارتی سەر بەستی كوردستان، ڕێكخراوی خەباتی شۆڕشگێڕی كوردستان، كۆمەڵەی زەحمەتكێشانی كوردستان، ئەنجوومەنی بزووتنەوەی گۆڕان، ڕێكخراوی ئۆسلۆی پارتی دیموكراتی كوردستان.
لە درێژەی مەراسمەكەدا هاوڕێ بەهار فاتمی بە هاوكاری گرووپی سروودی كۆمەڵە لە نۆروێژ سروودێكیان پێشكەش بە بەشدار بوان كرد، هونەرمەندی دەنگ خۆش كاك هێدی قادری لە ناوەخنی بەرنامەكەداسروودی فوادڕۆڵەی ئاگرو خوێن و دووبەرهەمی دیكەی هونەری پێشكەش كرد،هونەرمەندی شۆڕشگێڕ كاك نیزام مەلازادەگان سروودی فەرنەجی پۆش ی پێشكەش كرد.
پێشكەش كردنی شێعر و پەخشان و تراكتەكانی كۆمەڵە لە زومرەی ئەو بابەتانە بوون كە هاوڕێ ئەسرین دەرسید لە نێوان بەرنامەكەدا ناوە ناوە پگشكەشی ئەكردن.
بەشی دووهەمی بەرنامەی ڕۆژی كۆمەڵە تەرخان كرابوو بۆ بەشی هونەری كە لە لایەن هونەر مەندانی دەنگ خۆش كاك شێركۆ مەریوانی، مووسا مەریوانی و نیزام مەلازادەگان بە هاوكاری گرووپی موزیك ڕازایەوە و ڕێو ڕەسم تادرەنگانێك لە شەو درێژەی هەبوو.
كۆمەڵێك حیزب و ڕێكخرای سیاسی و كەسایەتی سەر بە خۆ بە ناردی برووسكەی پیرۆز بایی یان ڕاستەوخۆ بە پێشكەش كردنی چەپكە گوڵ و پەیامی پیرۆزبایی بەشداری ڕێوڕەسمەكەیان كرد و شان بە شانی هاوڕێیانی كۆمەڵە ڕێزیان لە ڕۆژی كۆمەڵە گرت. كە ناوی حیزب و ڕێكخراوەكان بریتی بوون لە:
حێزبی دیموكراتی كوردستانی ئێران
حیزبی دیموكراتی كوردستان
سازمانی خەباتی كوردستانی ئێران
ڕێكخراوی خەباتی شۆڕشگێری كوردستان
پارتی سەر بەستی كوردستان
كۆمەلەی زەحمەتكێشانی كوردستان
پارتی دیموكراتی كوردستان
پارتی ئازادی کوردستان

یەكێتی نیشتمانی كوردستان
بزووتنەوەی گۆڕان
كۆمیتەی هاوكاری هێزە سیاسییە كوردستانییەكان لە نۆروێژ
كۆنگرەی نەتەویی كوردستان
ئیتحادیی فدائیانی خەڵق
رێكخراوی یاری كورد
سازمانی دیموكراتی یارسان


كۆمەڵەی شۆڕشگێری زەحمەتكێشانی كوردستانی ئێران
كۆمیتەی نۆروێژ
١٨.٠٢.٢٠١٨

ئه‌م بابه‌ته 782 جار خوێنراوه‌ته‌وه‌‌

PM:06:13:19/02/2018