كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران
مه‌ڵبه‌ندی ئامریکای باکوور

Komala Party- Iranian Kurdistan
Committe in North America

راپۆرتی به رێۆه چوونی رێۆره‌سمێ رۆژی کۆمه‌ڵه‌ له تۆرنتۆی که‌نه‌دا

کۆمیته‌ مه‌لبه‌ندێ ئامریکای باکوورێ کۆمه‌ڵه ئه‌م سالیش به گڕوتینێکی تایبه‌تی به پێشۆازێ ٢٦ی رێبه‌ندان چوون و له رێۆره‌سمێکی به‌شکۆدا رێزێان له رۆژێ کۆمه‌ڵه گرت٠

کۆمیته‌ی به‌رێۆه به‌ری مه‌راسمی رۆژی کۆمه‌ڵه، رێکه ۆتی ١٥ی فیبریۆاری ٢٠٠٩ رۆژی یه‌کشه‌ممه یه‌کێک له گه ۆره‌ترینو رازاۆه ترین ساڵۆنه‌کانی شاری تۆرنتۆیان بۆ ئه‌م یاده دیاری کردبوو٠ مه‌راسمه که به به‌شدارێ زێاتر له ٦٠٠ که‌س له دانێشتۆانێ تۆرنتۆ و شاره‌کانێ دوور و نزیک و ئامریکاۆ وهه‌رۆه‌ها نوێنه‌رانی حیزب و رێکخراۆه‌سێاسیه‌کانی کوردستانی‌و ئێرانی کات‌ژمێر ٧ی ئێۆاره ده‌ستی پێکرد که سه‌ره‌تا هاورێ دڵشاد به‌رێۆه‌به‌ری به‌رنامه‌کان به‌خێرهاتنی گه‌رمی به‌شداربۆانی به دوو زمانی کووردی و فارسی کرد، پاش راگه‌یاندنی ریزی به‌رنامه‌کان ده‌قیقه‌یه‌ک بێده‌نگی بۆ رێزلێنان له گیانی پاکی هاۆرێ حه‌مه‌حسێنی که‌ریمی و هه‌مو گیانبه‌ختکردۆانی رێبازی ئازادی و سوسیالیزم راگیرا که بێده‌نگیه‌که به سروودی بانگه ۆاز، سروودی کۆمه‌ڵه‌ی شۆرشگێری زه‌حمه‌تکێشانی کوردستانی ئێران شکا.

به‌رێوه‌به‌ری به‌رنامه‌که‌ کورته‌یه‌ک له مێژوی ٢٦ی رێبه‌ندان و ئه‌ۆ رێبازه‌ی ئه‌ۆ رۆژه‌یان دروست کرد باس کرد، پاشان په‌یامی سکرتێری گشتی کۆمه‌ڵه هاۆرێ عه‌بدوڵا موهته‌دی له سه‌ر شاشه‌ۆه پیشاندرا که له لایه‌ن به‌شداربوانه‌وه پێشۆازی لێکرا و خۆشی و دڵگه‌رمیه‌کی تایبه‌تی خسته نێۆ ئه‌ندامان‌و لاێه‌نگران‌و دۆستانی کۆمه‌ڵه‌. په‌یامی کۆمیته‌ی ناۆه‌ندی کۆمه‌ڵه به بۆنه‌ی رۆژێ کۆمه‌ڵه له لاێه‌ن هاۆرێ حه‌مید به‌هرامی ئه‌ندامی کۆمیته ناۆه‌ندی پێشکه‌ش کرا.

هاورێ حه‌مید له‌ په‌یامه‌که‌یدا وێرای به‌خێرهاتنی میوانه‌کان و رێکخراو و حیزبه‌سیاسیه‌کان یادێکی له‌‌ هاوڕی حه‌مه‌ حوسه‌ینی که‌رێمی یه‌کێک له‌ دامه‌زرێنه‌رانی کۆمه‌ڵه‌ و هه‌روه‌ها هه‌مو شه‌هیدانی کۆمه‌ڵه‌ کرده‌وه‌. هاورێ حه‌مید له‌ درێژه‌ی په‌یامه‌که‌یدا چاوخشاندنێکی بو به‌‌ سه‌ر پێکهاتنی کۆمه‌ڵه‌ له‌ سه‌ره‌تای دامه‌زراندنیه‌وه‌ تا ئاشکرا بونی هه‌ڵسورانی و قۆناخه‌جیاوازه‌کانی خه‌بات و هه‌لسورانی کۆمه‌له. هه‌روه‌ها باسێکی له‌ سه‌ر بارودۆخی ئێستای ئێران و ئه‌و قه‌یرانه‌ سیاسی‌و ئابوریه‌ی که‌ رژیمی کۆماری ئیسلامی تێدایه‌ و هه‌تا دێت قوڵتر ده‌بێته‌وه‌ کرد و هه‌روه‌ها باسی له‌ ته‌ریک بونه‌وه‌ی زیاتری رژیم له‌ باری نێونه‌ته‌وه‌ئی کرد. هاوڕی حه‌میدی به‌هرامی له‌ درێژه‌ی په‌یامه‌که‌یدا باسی له‌ سه‌ر درێژه‌پێدانی سیاسه‌تی کۆماری ئیسلامی له‌ پشتیوانی کردنی رێکخراوه‌ تێروریستیه‌کان و ده‌ستێوه‌ردان له کاروباری ناوخۆئی عێراق کرد و باسی له‌ وروژاندنی ئێحساساتی مه‌زهه‌بی و په‌ره‌پێدان به‌ کێشه‌ له‌ نێوان شێعه‌ و سوننی کرد له‌ لایه‌ن رژیمه‌وه‌ کرد. به‌رخۆدان و به‌رینگاربونه‌و و به‌ربه‌ره‌کانێ کۆمه‌لانی خه‌لک و کریکاران و زوحمه‌تکێشان و به‌ تایبه‌تی خۆیندکاران و ژنان و نوسه‌ران و رۆشنبیران ته‌وه‌رێکی دیکه‌ی باسه‌که‌ بو. هاوڕی حه‌مید له‌ درێژه‌ی په‌یامه‌که‌یدا جارێکی دیکه‌ پشتیوانی و هاوخه‌باتی کۆمه‌له‌ی له‌ خه‌بات و بزوتنه‌وه‌ی ره‌وای هه‌مو پارچه‌کانی کوردستان دوپات کردوه‌وه‌ و هه‌روه‌ها بانگه‌وازی هه‌مو هێزی ئینسانی کۆمه‌له‌ی‌ کرد بو لیک‌ نزیکبونه‌وه‌ و یه‌کگرتنه‌وه‌ به‌ تایبه‌تی له‌ شه‌رایه‌تی هه‌ستیاری ئیستادا. هه‌روه‌ها باسی له‌ به‌ره‌ی کوردستانی و پێویستی پێکهاتنی ئه‌و به‌ره‌یه‌ کرد.

هاورێ حه‌مید په‌یامه‌که‌ی به‌م شێوه‌ کۆتائی پێ هێنا: به‌شداربوانی به‌رێز! تێکۆشان بۆ به‌ سه‌رکه‌وتن گه‌یاندنی بزوتنه‌وه‌ی رزگاریخوازانه‌ی نه‌ته‌وه‌ی کورد و بۆ بنیات نانی کۆمه‌ڵگایه‌کی ئازاد و پێشکه‌وتو و دادپه‌روه‌ر، خه‌باتێکی پڕ له‌ دژواری و له‌ هه‌مان کاتیشدا پڕ له‌ شانازیه‌. ئێمه‌ وه‌ک کۆمه‌ڵه‌ به‌ زانینی دژواری ئه‌و رێگایه‌وه‌ ده‌ستمان داوه‌تێ و به‌ هه‌مو توانامانه‌وه‌ هه‌وڵی بۆ ده‌ده‌ین و ئاسۆی سه‌رکه‌وتنیش به‌ رون ده‌بینین.

پاش په‌یامی کومیته‌ی ناوه‌ندی، په‌یامی پیرۆزبائی نوێنه‌رانی حیزب و رێکخراۆه سیاسیه‌کانی کوردستانی و ئێرانی به‌شداربه‌ له‌ رێوره‌سمه‌که‌دا خۆێندرایه‌وه‌ که‌ بریتی بون له:

١ـ  ێه‌کیه‌تێ نیشتمانی کوردستان

٢ـ  پارتی دێموکراتی کوردستان

٣ـ  حیزبی دێموکراتی کوردستانی ئێران

٤ـ حیزبی دێموکراتی کوردستان

٥ـ رێکخراۆی ماڵی کورد له تۆرنتۆ

٦ـ به‌ره‌ی دێموکراتیکی احۆاز

٧ـ سازمانی مافی مرۆڤی تورکه‌مه‌نستان ﴿تورکه‌مه‌نسه حرا﴾

٨ـ سازمانی مافی مرۆڤ ئازه‌ربایجان

له کۆتایی به‌شی یه‌که‌مدا په‌یامی پیرۆزبایی رێکخراوی نهێنی ناوچه‌ی مه‌ریوان به‌ ناوی تاڵه سۆار که به پارچه هۆنراۆه‌یه‌ک رازابۆۆه له‌ لایه‌ن هاوڕی دڵشاده‌وه‌ پێشکه‌ش کرا.

به‌شی دووهه‌م که به‌شی هونه‌ری له خۆ گرتبو هۆنه‌رمه‌ندانێ ناۆدار به‌رێز کاک نه‌جمه‌دین غوڵامی و به‌رێز کاک به‌کر له‌گزی و هونه‌رمه‌ندی لاۆ کاک فوئاد نه‌راقی رازاندبویانه ۆه. چه‌ند سرودێ کۆمه‌ڵه‌ له‌ لایه‌ن ئه‌ۆ به‌رێزانه‌ۆه پێشکه‌ش کرا که که‌شو هه‌ۆایه کی خۆشی به‌رێۆره‌سمه‌که به‌خشی، پاشان تاکات ژمێر ٢ی به‌ره به‌یان شاییو هه‌ڵپه‌رکێ درێژه‌ی هه‌بو، که‌ مه‌راسمه که زۆر سه‌رکه‌ۆتۆانه کۆتایی پێ هات.

پێویسته به ناۆی کۆمیته‌ێ مه‌ڵبه‌ندی ئامریکای باکووری کۆمه‌ڵه‌ پیرۆزبایی له بنه‌ماله‌ی سه‌ربه رزی گیانبه ختکردۆان، که‌مئه‌ندامان، پێشمه‌رگه‌کان، کادرو ئه‌ندامانو لایه‌نگران بکه‌ین، هه‌رۆه‌ها سپاس‌و پێزانینی خۆمان ده‌نێرین بۆ هه‌مو ئه‌ۆ که‌سانه‌ی له به‌رێۆه بردنی مه‌راسمه که‌دا یارمه‌تیان داۆین یان به‌شداریان له گڵدا کردوین.

کۆمه‌ڵه‌ی شۆرشگێری زه‌حمه‌ تکێشانی کوردستانی ئێران

مه‌ڵبه‌ندێ ئامریکای باکوور- که‌نه‌دا

18/2/2009