|
بە بۆنەی بیست و هەشتی گەلاوێژ ڕۆژی دەرکردنی فەرمانی هێرشی خومەینی بۆ
سەر کوردستان!
لە مێژوی هەمو گەلێکدا هیندێک ڕۆژ هەن کە گرینگی تایبەتی خۆیان هەیە.
دەبنە هۆی وەبیر هێنانەوەی بیرەوەریەک کە لەوانەیە خۆش و جێگای شانازی
بێت! یا کو بەپێچەوانە بیرەوەری ڕۆژێکی تاڵی مێژویی بێت!
ڕۆژی بیست و هەشتی گەلاوێژ ڕۆژێکی گرینگە لە مێژوی گەلی کوردستاندا.
ئەم ڕۆژە لە لایەکەوە ڕۆژی خۆڕاگری و خۆڵقاندنی حیماسەی گەورە لە
بەرامبەری داگیرکەراندایە، ڕۆژی هاوخەباتی و یەکگرتویی گەلێکە کە
لێبڕاوانە پێدادەگرێ لە سەر وەرگرتنەوەی مافە زەوتکراوەکانی! لە
لایەکی کەش ڕۆژی بیست و هەشتی
گەلاوێژ ڕۆژی نیشاندانی ڕواڵەتی دزێوی کۆماری ئیسلامیە کە بۆ سەرکوت
کردن و چۆکپێدادان بە گەلێک کە
لێبڕاوانە داوای مافە ڕەواکانی دەکات، لە هیچ کارەساتێک خۆی نەپاراست و
بیرەوەری ئاتیلا و چەنگیز و هیتلێری ژیاندەوە!
بە دوای ڕوخانی ڕژیمی پاشایەتی گەلی ڕۆژهەڵاتی کوردستان بە هۆی بوونی
پێشینەی خەباتی سیاسی و زاڵ نەبونی بۆچونی ئایینی لە سیاسەتدا، کەش و
هەوایەکی تایبەت بە خۆی هەبوو لە چاو ناوچەکانی کەی ئێراندا! لە
کوردستان کۆمەڵگا بە پەلە بەرەو سکولاریسم و دیمۆکڕاتیسم دەچو. لە زۆر
شوێن شوڕاکان دامەزران! نەمامی ئازادی خەریک بو لق وپۆی دادەخست!
کۆمەڵگا بەرەو گەشەی سیاسی و کۆمەڵایەتی دەچو. بیری نۆێی سیاسی و
جوڵانەوەی نوی هاتە میدانی خەباتی کوردستانەوە! ئەم کەش و هەوایەی
کوردستان بە دڵی دەستەڵاتدارانی تازە بە دەستەڵات گەیشتوی کۆماری
ئیسلامی نەبو. گەلی کوردستان نایان بە ڕیفراندۆمە نا دیموکڕاتیکەکەی
خومەینی کوتبو! هەمو ئەمانە بو بە هۆی توڕەیی خومەینی، هەر بۆیەش لە
ڕۆژی بیست و هەشتی گەلاوێژ دا فەرمانی هێرشی هەمەلایەنی بۆ سەر
کوردستان دەرکرد و ئەم فەرمانەشی بە جیهاد دژی کوفار ناو لێنا! لای
وابو کە زۆر هاسان دەتوانێ بگا بە ئامانجی کە بریتی بو لە چۆکپێدادن بە
گەلێک کە بڕیاریداوە لە سەر وەرگرتنی مافەکانی پێداگرێ!
گەلی کوردستان یەکپارچە لە بەرامبەر هێرشی داگیرکەرانی کۆماری
ئیسلامیدا ڕاوەستان، سەرەڕای ئەوەی دوژمن پڕجەک و تەیار بو،
چەکدارەکانی یەکجار زۆر بون، بەڵام لە بەرامبەر ئیرادەی تێکڕایی توشی
شکانی گەورەهات! هەرچەند کارەساتی سامناکیشی خوڵقاند وەک: ئیندرقاش،
قارنێ، قەڵاتان، نەورۆزی خۆێناوی سنە، تۆپ باران و بۆمبارانی شارەکان و
...
کۆماری ئیسلامی هەر لە بنەڕەتدا دژی ئازادیە و لە هەر کۆیەک، هەر کەسێک
ویستی ئازاد بژی بە توندی هەڵدەکتوێتە سەری. بەڵام لە کوردستان ئەم
هێرشەی بۆ سەر ئازادیخوازان چەند قاتە. ئەمەش لە ڕواڵەتی
ڕەگەزپەرەستانە و هەڵاواردئامێزایانەوەی سەرچاوە دەگرێت.
هەرچەند توانیان خاکی کوردستان داگیرکەن، بەڵام هەرگیز نەیانتوانی بە
سەر دڵ و بیری ئەم گەلەدا زاڵ بن! ئەمەش بەردەوامی خەباتی گەلی
کوردستان دژ بە داگیرکەران دەسەلمێنێ!
کە وابو بیست و هەشتی گەلاوێژ ڕۆژی یەکگرتویی و هاوخەباتی گەلی
ڕۆژهەڵاتی کوردستانە! ڕۆژی یاد و بیرەوەری هەزاران گیانبەخت کردوانی
ئەم ڕێگادورو درێژەیە!
ئەم ڕۆژە نەک تەنیا بۆ گەلی کوردستان گرینگە بەڵکو ئەمڕۆژە ڕۆژی
ئازمونێکە بۆ هەمو ئەوکەسانەی کە داکۆکی لە مافی مرۆڤ دەکەن، دەبێ و لە
سەریانە کە دژ بە هەڵاواردن بە گۆێرەی ڕەگەز، جینس، زمان، ئایین، بیرو
بۆچون ڕاوەستن و هاودەنگی خۆیان لە گەل گەلی کوردستان دەربڕن! ئەگینا
داکۆکیان لەمافی مرۆڤ دەکەوێتە بەر گومانەوە!
وەرن با هەمومان بەیەکەوە داوا لە ڕێکخراوە نێونەتەوەییەکانی پارێزەری
مافی مرۆڤ بکەین کە کاربەدەستانی کۆماری ئیسلامی بە تاوانی دەستدرێژی
بۆ سەر مرۆڤایەتی و پێشێل کردنی
بەرفراوانی مافی مرۆڤ دادگایی بکرێن!
وەرن هاوار بکەین کە هەمو مرۆڤێک دەبێ ئازادبژی!
وەرن هاوار بکەین کە چەوسانەوە و هەڵاواردن بە هەمو چەشنێکیەوە کۆتایی
پێ بێت!
وەرن هاوار بکەین بژی ئازادی!
کۆمهڵهی شۆڕشگێری زهحمهتکیشانی کوردستانی ئێران
کۆمیتهی ستۆکهۆڵم
2009-07-28 |
