كۆمه‌ڵه‌ی شۆڕشگێڕی زه‌حمه‌تكێشانی كوردستانی ئێران
کۆمیته‌ی فینلاند

Komala Party- Iranian Kurdistan
Committe in Finland

رێپۆرتاژی به‌ڕێوه‌چونی ڕێپێوان به‌ دژی کۆماری ئیسلامی ئێران،

له‌ وڵاتی فینلاند

جارێکی دیکه‌ بۆ به‌رز ڕاگرتن و ڕێز لێنان له‌و پێنج که‌سه‌ی که‌ یه‌كشه‌ممه‌ ١٩ی‌ گوڵان،(٩،٥،٢٠١٠) له‌زیندانی‌ ئێڤین له‌لایه‌ن به‌رپرسانی‌ ئه‌م زیندانه‌ له‌سێداره‌ دران، وه‌ هه‌روه‌ها ده‌ربڕینی ناڕه‌زایه‌تی دژ به‌ ڕژیمی دیکتاتۆر و جنیایه‌تکاری کۆماری ئیسلامی ئێران و مه‌حکوم کردنی ئه‌م تاوانه‌ دژی مرۆڤایه‌تیه‌،ئه‌مڕۆکه‌ش: شه‌ممه‌ ١٥ مانگی ٥ی ٢٠١٠ له‌ شاری هێلسینکی له‌ وڵاتی فینلاند ڕێپوانێکی دیکه‌ به‌ڕیوه‌ چوو.

·          ڕێپێوانه‌که‌ له‌ کاتژمێر ١١ به‌یانی له‌ ئێزگه‌ی مێتڕۆی کووڵۆساری Kulosaari به‌ره‌وه‌ باڵوێزی ئێران ده‌ستی پێکرد و له‌ ماوه‌ی ڕێپێوانه‌که‌دا له‌ لایه‌ن به‌شداربوانه‌وه‌ شیعاری: مه‌رگ و نه‌مان بۆ دیکتاتۆر، برۆخێ کۆماری ئیسلامی ئێران، بژی ئازادی، مه‌رگ و نه‌مان بۆ خامه‌نه‌یی و ئازادی و دیموکراسی بۆئێرانیه‌کان...هتد.

هه‌روه‌ها له‌ به‌ر ده‌م باڵوێزی ئێران له‌ لایه‌ن حیزب و سازمانه‌ سیاسی و کۆمه‌ڵایه‌تیکان چه‌ندین ڕاگه‌یه‌ندراو بۆ مه‌حکومکردنی ئه‌م جنایه‌ته‌ نامرۆڤانه‌یه‌ به‌ دو زمانی کوردی و فارسی، خوێندرایه‌وه‌ و له‌ کۆتایدا جه‌ختیان له‌سه‌ر ئه‌وه‌ کرد که‌ ده‌بێ هه‌مومان یه‌ک ده‌نگ ئه‌م جنیایه‌ته‌ قیزه‌ون و مرۆڤ کوژیه‌ی کۆماری ئیسلامی ئێران مه‌حکوم که‌ین و خه‌ڵکانی وڵاتانی دیکه‌ و کۆمه‌ڵانی مافی مرۆڤی لێ ئاگادار که‌ینه‌وه‌.

به‌شداربوانی ئه‌م ڕێپێوانه‌ بریتی بوون لە:

·                              کۆمه‌ڵه‌ی شۆڕشگێڕی زه‌حمه‌تکێشانی کوردستانی ئێران،کۆمیته‌ی فینلاند

·                              حیزب دێموکراتی کوردستان ئێران، کۆمیتەی فینلاند

·                              سازمانی خه‌باتی کوردستانی ئێران، کۆمیته‌ی فینلاند

·                              ناوه‌ندی چاک

·                              بزوتنه‌وه‌ی دێموکراتیکی یارسان - کومیتەی فینلاند

٢٠١٠-٠٥-١٦