پشتیوانی هاوبهش له داخوازی زیندانیانی سیاسیی دهکهین

4 رۆژه زیندانیانی سیاسیی کورد له زیندانهکانی رێژیمی کۆماری ئیسلامی له شارهکانی ورمێ، مهاباد، سنه، کهرهج و تاران، دهستیان داوهته مانگرتنێکی بێسنوور.

داخوازی دیاری کراوی مانگرتووان بریتین له:

1- دان پێدانانی حکومهت به ناسنامهی سیاسی و مهدهنی ئهو زیندانیانه و رهفتاری شهرافهتمهندانه لهگهڵیاندا.

2- پێداچوونهوه به دهرکردن و بهڕێوهبردنی حوکمی ئێعدامی زیندانییهکان.

3- راگرتنی خێرای ئێعدامی زیندانیانی سیاسی و مهدهنی.

4- کۆتایی هێنان به ئهشکهنجه و پێشێلکردنی بهردهوامی مافهکانی مرۆڤ له کوردستان.

ئێمه کۆمیتهکانی رێکخستنی کۆمهڵهی شۆڕشگێڕی زهحمهتکێشانی کوردستانی ئێران و حیزبی دیمۆکراتی کوردستانی ئێران و پارتی ئازادیی کوردستان له هولهند، وێڕای ئهوهی گیرانی ئهو ژمارهیه له چالاکانی سیاسی و مهدهنی کورد، بهناڕهوا دهزانین و خوازیاری ئازادیی بێ مهرجی ههموویانین، ئهم ههڵوێسته هاوبهشهیان به ڕهوا دهزانین و پشتیوانی له داخوازهکانیان دهردهبڕین. ههر لهوکاتهشدا بۆ سڵامهتی ئهوان به پهرۆشین و کۆماری ئیسلامی به بهرپرسی تێکچوونی باری لهشساخی یهکبهیهکی زیندانیانی مانگرتوو، دهناسین.

ئێمه داوا له ههموو رێکخراو و کۆڕ و کۆمهڵه نێونهتهوهییهکانی لایهنگری مافهکانی مرۆڤ دهکهین، بههانای زیندانیانی مانگرتووهوه بچن و بۆ وهدیهێنانی ئامانجهکانیان و ئازادیی تێکڕایان ههول بدهن.

1- پارتی ئازادیی کوردستانPAK

2- حیزبی دیمۆکراتی کوردستانی ئێران

3- کۆمهڵهی شۆڕشگێڕی زهحمهتکێشانی کوردستانی ئێران

کۆمهڵهی شۆڕشگێری زهحمهکیشانی کوردستانی ئێران - کۆمیتهی هوڵهند

2008-08-29