برای گه‌وره‌ و به‌ڕێز جه‌نابی مام جه‌لال تاڵه‌بانی‌

وێڕای‌ گه‌رمترین سڵاو و رێز.

هه‌وڵی‌ دڵسۆزانه‌ و هه‌نگاوی‌ سه‌ركه‌وتووانه‌ی‌ جه‌نابتان له‌ پێناو پێهه‌ڵوه‌شاندنه‌وه‌ی‌ حوكمی ئیعدامی‌ شێركۆ مه‌عارفی‌ و حه‌بیبوڵڵا له‌تیفی‌، دوان له‌ زیندانیانی‌ سیاسیی كورد له‌ كۆماری‌ ئیسلامیی‌ ئیران، شه‌پۆلێكی‌ له‌ شایی‌ و خۆشی‌ هێناوه‌ته‌ ناو بنه‌ماڵه‌ی‌ ئه‌و به‌ندكراوانه‌ و به‌گشتی‌ خه‌ڵكی‌ كوردستانی‌ ئێران. ئه‌و هه‌وڵه‌ مرۆڤدۆستانه‌ و كوردپه‌روه‌رانه‌یه‌ جارێكی‌ دیكه‌ش په‌رۆشی‌ و دڵسۆزی‌ دێرینی‌ جه‌نابتانی‌ له‌حاست گه‌لی‌ كورد له‌ كوردستانی‌ ئێران نیشان دایه‌وه‌.

به‌و بۆنه‌یه‌وه‌ گه‌رمترین سپاس و پێزانینی‌ خۆم و هه‌موو سه‌ركردایه‌تی‌ و رێزه‌كانی‌ كۆمه‌ڵه‌ پێشكه‌ش به‌ جه‌نابتان ده‌كه‌م و سه‌لامه‌تی‌ و ته‌مه‌ندرێژیتان به‌ئاوات ده‌خوازم.

له‌گه‌ڵ‌ رێزی‌ دووباره‌مدا،

عه‌بدوڵڵای‌ موهته‌دی‌

24ی‌ نۆڤامبری‌ 2009