كرێكارانی كوردستان كه له هه‌ژارترین و بێبه‌شترین كرێكارانی ئێرانن، له‌گه‌ڵ سته‌م و هه‌‌ڵاواردنی نه‌ته‌وه‌ییش به‌ره‌وڕوون. په‌ره‌سه‌ندنی بێكاری له كوردستان، جیاوازی و هه‌ڵاواردن له وه‌گه‌ڕ خستنی سه‌رمایه‌دا و ته‌رخان نه‌كردنی بودجه‌ی ئاوه‌دانكردنه‌وه بۆ ئوستانه كوردنشینه‌كان و له‌‌م دواییانه‌شدا راگرتنی هه‌رجۆره دامه‌زراندنێك له‌و ناوچه‌یه و به‌رته‌سك كردنه‌وه و ته‌نانه‌ت داخستنی ئه‌و ژماره‌ كه‌مه‌ی ناوه‌نده كۆنه‌كانی به‌رهه‌مهێنان له كوردستان، هه‌مووی ئه‌وانه نیشانده‌ری دوژمنایه‌تی قووڵی ئه‌م رژیمه‌ له گه‌ڵ خه‌ڵكی كوردستان و ترس و نیگه‌رانیی ئه‌و له ئاست خه‌باتی ره‌وا و حه‌قخوازانه‌ی ئه‌و خه‌لكه‌یه‌. بزوتنه‌وه‌ی ئازادیخوازانه‌ی كوردستان یه‌كێك له پایه سه‌ره‌كیه‌كانی دیموكراسی و هاوپه‌یمانی پێشتنخوازی و سێكۆلاریزم له ئێراندا بووه. كرێكارانی ئێران به داكۆكی له مافی خه‌ڵكی كوردستان و نه‌ته‌وه‌كانی‌تر له راستیدا ده‌بیته رێخوشكه‌ری یه‌كگرتنی كرێكارانی نه‌ته‌وه جۆراوجۆره‌كان.
راگه‌یاندنی كۆمیته‌ی ناوه‌ندیی كۆمه‌ڵه [ 2005-1384 ]