پێگەی فەرمی کۆمەڵەپێگەی فەرمی کۆمەڵەپێگەی فەرمی کۆمەڵە
Notification Show More
Aa
  • سەرەکی
  • وتار
  • ڕاگەیاندن
  • بەڵگەنامەکان
  • هاوپەیمانییەکان
  • ئاسۆی ڕۆژهەڵات
  • پەیوەندی
  • کوردی
    • کوردی
    • فارسی
خوێندنەوەی: بەڕێوەچوونی ڕێوڕەسمی ٣١ی جۆزەردان لە وڵاتی دانمارک
بڵاوکردنەوە
پێگەی فەرمی کۆمەڵەپێگەی فەرمی کۆمەڵە
Aa
Search
  • سەرەکی
  • وتار
  • ڕاگەیاندن
  • بەڵگەنامەکان
  • هاوپەیمانییەکان
  • ئاسۆی ڕۆژهەڵات
  • پەیوەندی
  • کوردی
    • کوردی
    • فارسی
Follow US
© Komala Party of Iranian Kurdistan
پێگەی فەرمی کۆمەڵە > ڕێوڕەسمەکان > بەڕێوەچوونی ڕێوڕەسمی ٣١ی جۆزەردان لە وڵاتی دانمارک
ڕێوڕەسمەکان

بەڕێوەچوونی ڕێوڕەسمی ٣١ی جۆزەردان لە وڵاتی دانمارک

ناوەندی ڕاگەیاندن
دوابەڕۆژکردنەوە: 2024/06/04 at 5:14 PM
ناوەندی ڕاگەیاندن
بڵاوکردنەوە
‫3 دەقەی پێویست بۆ خوێندنەوە
لیستی وێنەکان 1/5
677
1221
6666
99999
uuu

دوانیوەڕۆی ڕۆژی شەممە بەرانبەر بە ١ی مانگی جوونی ٢٠٢٤ی زایینی، بە بەشداری کۆمەڵێک لە میوانانی حیزبی و کەسایەتی سەربەخۆی کورد و ئێرانی و بیانی وهەروەها کادر و ئەندامانی کۆمەڵە، ڕێوڕەسمێک بە بۆنەی بەرز ڕاگرتنی ٣١ی جۆزەردان، ڕۆژی پێشمەرگەی کۆمەڵە، لە شاری کۆپێنهاگی وڵاتی دانمارک بەڕێوەچوو. ئەم ڕێوڕەسمە پێکهاتبوو لە دوو پەنێلی سیاسی، بەشی پرسیار و وڵام و، چەند بەشێکی هونەری کە پێشکەش بە بەشداربووان کرا.

ڕێوڕەسمەکە بە سروودی بانگەواز و خولەکێک بێدەنگی بۆ بەرز راگرتنی یادی کاک خانە وهەموو گیانبەختکردووانی کۆمەڵە و سەرجەم شەهیدانی ڕێگای ڕزگاری کوردستان وهەروەها دوایین شەهیدانی ئاخێزی ژن، ژیان، ئازادی بە پێشکەشکردنی چەندین کۆپلە شیعر و پەخشان و بابەت دەستیپێکرد. بەشی دووهەمی ڕێوڕەسمەکە بریتی بوو لە بەڕێوەچوونی دوو پەنێلی سیاسی کە تیشکی خستە سەر خەباتی کۆمەڵە و خەباتی پێشمەرگانە و خوێندنەوەیەکی یاسایی بۆ ئەم بابەتانە. بەهۆی گرنگایەتی پرسەکە هەروەها بەو هۆیە کە تا ئێستا، پێگە و ڕەوایی و پێویستیی هەبوونی پێشمەرگە لە چوارچێوەی بازنەی کوردایەتیدا قەتیس مابوویەوە، وتار و باسەکان بە دوو زمانی کوردی و فارسی پێشکەشکرا. جێگای ئاماژەیە بۆ میوانانی نەتەوەکانی دیکەی ئێران و میوانە بیانییەکان بەشێوەی هاوکات و راستەوخۆ وەرگێڕان دەکرا.

پەنێلی یەکەم، لەژێر ناوی کۆمەڵە و ئاسۆی داهاتوو لە لایەن بەڕێز عەبدوڵڵا موهتەدی، سکرتێری گشتیی کۆمەڵە پێشکەش بە بەشداربووان کرا. سکرتێری گشتی کۆمەڵە لە وتارەکەیدا تیشکی خستە سەر بۆچییەتی و هۆکاری سەرهەڵدان و پێوەستییەکانی خەباتی پێشمەرگانە و هاوکات شیکردنەوەی بارودۆخ و هەلومەرجی ڕابردوو، ئێستا و داهاتووی کۆماری ئیسلامی و دەوری کورد لەم مەیدانەدا. پەنێلی دووهەم، لەژێر ناوی تێڕوانینێکی یاسایی بۆ پێگەی پێشمەرگە، لە لایەن بەڕێز د.فەراز فیرووزی، مافناس و لێکۆڵەر، پێشکەشکرا. لەم تەوەرەدا د.فیرووزی زۆربەی ڕەهەندەکانی رەوابوونی خەباتی پێشمەرگانەی خستە بەرباس و لە ڕوانگەی زانستی و یاساییەوە ڕوونی کردەوە. بەشی سێهەم تەرخان کرابوو بۆ بەشداری و پرسیار و وڵامی ڕاگەیاندن و بەشداربووان و، لەم بەشەشدا دیالۆگ و وتووێژێکی گەرم و گوڕ هاتە ئاراوە. کۆمەڵێک پرس و بابەتی سەرەنجڕاکێش و بەپێز لە لایەن پەنێلیست و بەشداربووان ورووژێندرا.

لە درێژەی ڕێوڕەسمەکەدا بەشێکی تایبەت بۆ ڕێزلێنان لە پێشمەرگە دێرین و هەڵسووڕاوەکانی کۆمەڵە تەرخان کرابوو کە بە پێشکەشکردنی گوڵی سوور و جامانە و لە کەشێکی پڕ لە هەست و سۆزدا سەرەنجی بەشداربووانی ڕاکێشا و کەشوهەوایەکی تایبەتی خولقاند. لە کۆتایی رێوەڕەسمەکەدا چەند پارچە سروودی شۆڕشگێڕانە لە لایەن هونەرمەندی پێشمەرگە، بەڕێز بەکر لەگزی، پێشکەشکرا و دواتر ڕێوڕەسمەکە کۆتایی پێ هات.

کۆمەڵەی شۆڕشگێڕی زەحمەتکێشانی کوردستانی ئێران
کومیتەی دانمارک
٤ی جوونی ٢٠٢٤ی زایینی

ناوەندی ڕاگەیاندن 04/06/2024 04/06/2024
Share This Article
Facebook Twitter Copy Link Print

کۆمەڵە لە سۆشیاڵ میدیا

Facebook Like
Twitter Follow
Instagram Follow
Youtube Subscribe

بابەتی زیاتر

ئاسۆی ڕۆژهەڵات ژمارە ١٩٢ چاپ وبڵاوکرایەوە
ڕۆژنامە 08/06/2025
ڕاگەیاندنی کۆبوونەوەی هاوبەشی کۆمەڵەی شۆڕشگێڕی زەحمەتکێشانی کوردستانی ئێران و ڕێکخراوی کوردستانی حیزبی کۆمۆنیستی ئێران(کۆمەڵە)
ڕاگەیاندن 04/06/2025
کوردە ناڕازییەکانی ئێران، بە مەبەستی “ڕووخان”ی حکومەت داوای هاوکاری لە ئەمریکا دەکەن
وتووێژ 01/06/2025
ژمارە ١٩١ی ئاسۆی ڕۆژهەڵات بڵاو کراوه
ڕۆژنامە 22/05/2025
//

پێگەی  فەرمی کۆمەڵەی  شۆڕشگێڕی زەحمەتکێشانی  کوردستانی  ئێران،  لە  لایەن ناوەندی  ڕاگەیاندنی  کۆمەڵەوە  بەڕێوە  دەچێت

پێگەی فەرمی کۆمەڵەپێگەی فەرمی کۆمەڵە
Follow US
ماڵپەڕی فەرمی کۆمەڵە
Welcome Back!

Sign in to your account

Lost your password?